Прекинатото одбојкарско првенство во машка конкуренција нема да се доигра и ќе нема прогласување на Шампион. Со овој предлог на ОФМ се согласија и клубовите разгледувајки ги сите можни опции и сугестии за доигрување на првенството во корелација со здравствените власти . Ваквата одлука на ОФМ треба да ја констатира и Извршниот одбор , кој треба да ја донесе и конечната одлука за затворање на годинашново првенство, оти нема услови заради пандемијата а времето за доигрување истекува. Истата според нашите информации ја подржале сите клубови во машка конкуренција кои во изминатиот период предлагаа дали и како да се продолжи првенството кое беше прекинато на средината на март.
Според предлогот кој треба да биде аминуван од Извршниот, во ова натпреварувачка 2019/2020 сезона нема да има прогласување на Шампион ниту пак КУП победник, но сепак ќе се почитува ранкингот на екипите од ова сезона за излез на европската сцена, каде најдобар учинок има Вардар од Скопје бидејки овој тим беше и најдобар до прекинот на првенството.
Првенството се прекина во втората фаза односно по одигрувањето на 12 тото првенствено коло. На табелата прв беше скопски Вардар со 33 бода три повеќе од струмички Џио а трета беше екипата на Универзитет Тетово со 27 бода. Четврта беше Лирија со 19 бода и овие 4 екипи ќе беа во игра за титулата а во втората фаза се пласираа и УГД Штип и ОК Весна Пробиштип
Судејки по исходот од денешната онлајн состанол, значи дека носителот на двојната круна од минатата сезона Џио Струмица ќе ги задржи Шампионската и КУП титулата до крајот на следната натпреварувачка сезона.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
