Општина Василево распиша тендер за реконструкција на локалниот патен правец од центарот на населеното место Добрашинци до центарот на населеното место Нова Маала. Станува збор за патен правец од 1 016 метри за чија реконструкција Општина Василево, средства обезбеди од Министерството за локална самоуправа за што во јули потпиша договор од 11 милиони денари. Согласно распишаната јавна набавка проценетатат вредност на овој проект изнесува 9 милиони и 322 илјади денари без ДДВ или околу 150 илјади евра а со ДДВ околу 178 илјади евра. Можна е одредена кореција на вредноста бидејки ќе има електронската аукција
Според распишаната јавна набавка, сите заинтересирани економски оператори своите понуди може да ги достават до 16 септември во општина Василево кога ќе биде и јавното отворање на истите . Договорот ќе биде доделен на онаа фирма која ќе достави најниска цена за изведување на градежните работи согласно техниката спецификација. Според неа на патниот правец од центарот на населеното место Добрашинци до центарот на населеното место Нова маала се предвидени, претходни припремни работи, изведба на долен строј на патот, одводнување но и изведба на горен строј на патот
Избраниот економски оператор има рок од 4 месеци да го реализира проектот од денот на воведување во работа од страна на општината.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
