Министерството за транспорт и врски го објави вториот јавен повик за реконструкција на локални улици и патишта во рамки на проектот “Поврзување со локални патишта”. Со овој јавен повик опфатени се вкупно 35 локални улици во 21 општина и Град Скопје со вкупна должина од 35,5 километри и вредност од околу 7 милиони евра, истакна на денешната прес конференција министерот за транспорт и врски, Благој Бочварски.
Според објавениот јавен повик се планира реконструкција на улици и патишта и во 4 општини од Југоистокот и тоа во општините Богданци, Гевгелија, Василево и Конче. Во првите две се планира реконструкција на улици а во останатите реконструкција на локални патишта кои треба да се реализираат во рок од седум месеци од изборот и воведувањето во работа на избраните фирми.
Во Богданци се планира реконструкција на улицата Крушевска, во Гевгелија се планира реконструкација на дел од улицата ,,Методија Андонов Ченто’’во населеното место Мрзенци.
Во општина Василево се планира реконструкција и ревитализација на локалниот пат Ново Владевци- Старо Владевци,изградба на улица во Василево покрај каналот за наводнување и улица во населеното место Градашорци.
Во општина Конче се планира реконструкција на дел од локален пат за село Габревци
Станува збор за проекти за кои општините имаа израбетно основни проекти доставени до Министерството за транспорт и врски а одобрени од Светска Банка. Рокот за доставување на понудите е 8 април.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
