Првиот човек на општина Струмица Костадин Костадинов најави дека деновиве ќе отпочне втората фаза до проектот ,,Струмица паметен вело град“ при што ќе се градат дополнителни 5,5 километри велоиспедски патеки како и изградба на вело урбана опрема како паркинзи и дополнителни стојалишта за мали сервиси на велосипедите.
,, Во рамките на ова втора фаза планираме проширување на велосипедската инфраструктура на булеварот Климент Охридски, булеварот Гоце Делчев од двете страни, на улицата Цветан Димов со што на барање на граѓаните планираме поврзување на градскиот стадион со двете игралишта со вештачка трева заради децата кои тренираат. Со тоа овозможуваме кружно движење со велосипеди во градскиот парк. Велосипедска инфраструктура и до населените места а тоа е Дабиле заради што е предвидено и во рамките на булеварското решение каде се планира двосмерски патеки за велосипеди во широчина од 2,5 метри,, кажа Костадинов
Запрашан дали ќе има набавка на велосипеди кои ќе се изнајмуваат од една до друга точка во градот, како што беше најавено на почетокот на проектот ,,Струмица паметен вело град“ пред две години, градоначалникот Костадинов кажа дека ќе бараат согласност од Делегацијата на ЕУ парите за велосипеди да се пренаменат во велосипедска инфраструктура.
Целиот проект чини околу 750 илјади евра. Според градоначалникот Костадинов досега се потрошени 250 илјади евра а во втората се предвидени 150 но се ќе зависи од ценит ешто ќе ги пондуат операторите.
Во рамките на Европската недела на мобилност и Светскиот ден без автомобили денеска во Струмица под мотото „Заеднички јавен простор“, се одржа традиционалното дефиле – возење велосипед низ улиците на Струмица во кое беа вклучени ученици од струмичките училишта. (В.Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
