Агенцијата за недвижности Дора Инвест во Струмица го одржа настанот во рамки на Националниот караван за недвижности „Дом во секој град“ – стратешка иницијатива насочена кон јакнење на професионалните стандарди, транспарентноста и довербата на пазарот на недвижности. Преку директна комуникација со граѓаните и соработка со локалните институции и професионалци, караванот има за цел да поттикне одржлив урбан и економски развој во секој регион од државата.
Сопственичката на Дора Инвест и преставник на Групацијата за недвижности при Стопанска комора Фросина Ушлиновска, ја претстави иницијативата и визијата на компанијата, нагласувајќи ја важноста од транспарентен, организиран и безбеден пазар на недвижности.
„Нашата мисија е да донесеме ред, сигурност и професионални стандарди на пазарот на недвижности во секој град. Преку директна комуникација со граѓаните и соработка со сите релевантни чинители, создаваме услови за побезбедни трансакции, поголема доверба и одржлив локален развој. Караванот ‘Дом во секој град’ не е само настан, туку процес на градење стабилен систем кој им служи на граѓаните и ја поттикнува економијата“, изјави Ушлиновска.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
