Стратегот на Академија Пандев – Југослав Тренчовски е избран за најдобар тренер во последната натпреварувачка фудбалска сезона во Македонија. На вечерашнава гала манифестација на ФФМ во МНТ ,,Најдобрите во Македонскиот Фудбал за сезона 2018/19’’ во категоријата најдобар тренер, признанието го однесе шефот на стручниот штаб на струмичкиот прволигаш – 43 годишниот Југослав Тренчовски кој е од самиот почеток на Академијата.
Тој признанието го доби во конкуренција на Ќатип Османи кој го предводеше Шампионот Шкендија од Тетово но и стратегот на Вардар од Скопје Александар Васовски. Но според одговорните од ФФМ и гласањето што беше на интернет платформата www.ffm.mk беше донесена одлука ова признание да оде кај кормиларот на ,,пандевци’’.
,,Иако е ова за мене признание, сакам да се заблагодарам на моето семејство, моите соработници, Горан Пандев кој вложува во мак фудбалот и ја развива Академијата а најголема благодарност до моите јунаци фудбалерите кои се жртвуваат на теренот,, кусо кажа Тренчовски на додлеувањето на признанието
Титулата најдобар тренер, Тренчовски ја доби, бидејки под негова палка се градеше составот на Академијата на Горан Пандев која за релативно кус период од оснивањето од општинска лига излезе на европската сцена а за првпат во својата историја изминатата натпреварувачка сезона ја освои КУП титула.
Академија Пандев на гала настанот беше избрана за најдобрата фер плеј екипа пред се зарада најмалиот број на жолти и црвени картони во последната натпреварувачка сезона. Наградата ја прими Ристе Ристов од управата на струмичкиот фудбалски прволигаш кој играл најкоректно минатата сезона.
,,Ова е доказ дека Академија Пандев ги почитува правилата за фер плеј игра. Академија Пандев изминатата сезона ја покажа моралната страна на самиот тим и ова е награда за сите фудбалери од првиот тим, стручниот штаб и упрвата на клубот,, рече Ристе Ристов од Академијата
Од овој табор во потесна конкуренција за најдобар фудбалер беше Љупче Дориев а пак струмичкиот прволигашки судија Марјан Гоцевски го однесе признанието најдобар судија во мак фудбалот во последната фудбалска сезона
Од Струмица во изборот на најдобрите на ФФМ беа и голманката на ЖФК Тиверија Викторија Панчурова но и Јосиф Јованов за најдобар футсал играч кој игра за КМФ Астибо
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
