Јосе Шапков од Куклиш- струмичко, викендов дебитираше во музичките води откако на фестивалот Охрид Фест ја изведе песната ,,Бели цветови“. Тој синоќа во хотел Сириус ја имаше и промоцијата на видео записот кој го работеа Кире Пиличев и Ѓорѓи Кончалиев. Станува збор за прва авторска песна на Шапков кој ја има напишано во јануари кога бил сам дома и болен. Тој оваа го кажа на промоцијата на спотот и песната ,,Бели цветови“, подвлекувајки дека неговата желба да има свој сингл и да учествува на фестивал е конечно исполнета.
,,Песната е направена случајно, во јануари. Тогаш мојата сопруга со двете дечиња отидоа во Германија и јас останав сам. Зима како зима бронхит, пневмонија, корона и се ти е испомешано- не знаеш кога јадеш, кога спиеш. Едно утро околу четири часот кога читав книга, станав и на синтисајзерот почнав да свирам а наизуст почнаа да ми излегуваат стиховите. За пет минути песната ја склопив а следниот ден ја пратив на Валентино Скендеровски кој ми кажа дека ќе излезе песна која ја примија и на фестивал што ми беше огромна желба,, кажа Шапков
Музиката и текстот за Бели цветови се на Јосе, аранжманот е на Валентино Скендеровски со кого ќе ја продолжи соработката и во иднина. Во спотот се појавуваат Јосе и Сања и гитаристот Игор Василевски.
Шапков упати благодарност до Скендеровски под чии инструкции се работеше овој проект, до тандемот Пиличев – Кончалиев кој го работеше спотот, до Сања Димова која е партнер во видеозаписот за Бели Цветови но и до сопругата која како што кажа го „трпела“ овој период. (М.К)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
