Вкупно осум песни се помесетни во првиот студиски албум на Јовче Пандев насловен како ,,Деца корнат градина“ кој го објави на Youtube. Пандев кој се јавува како автор на музиката текстот и аранжманот заедно со Живко Барбутов, Иван Петровски и Ивана Василева, носи еден алтернативен рокeнрол со доста интересни текстови во кои секој може да се препознае ако сака да се спротистави на репресивното во себе.
,,Албумот веројатно припаѓа најпросто речено на некаков алтернативен рокенрол призвук. Третираме општествено социјални теми со примеси на индивидуалност и нејзиното залагање во контекст на тоа да се делува врз неправдите. Сите имаме право јасно и силно да кажеме за работите кои делуваат репресивно за нас“, изјави за Дрнка Мк Јовче Пандев
Во реализацијата на алубумот учествуваат и музичарите Зоран Трендов, Дејан Митровиќ, Џоко Горгиев, Александар Џигер Ванчовски кои даваат секој свој придонес во музичкиот крик на Пандев кој го пробива уметничкиот пат на повеќе области. Свој придонес имаат и студијата Алшар и Musiverse како и Столе Ангелов, Никола Пијанманов и Луна Мичевиќ
,,Сакам две до три песни да добијат видео запис, кога како каде, ќе видиме. Сега спремаме Live промоции на албуот. Да се стопли ќе се видиме на старата чаршија на концертна промоција“ најави Јовче Пандев
Еве дел од песните од албумот ,,Деца корнат градина“……
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
