Првиот човек на општина Струмица Петар Јанков во интервју за јавниот сервис соопшти дека Струмица има развиена вело инфраструктура која ќе се надоградува со пари од ЕУ. Тоа се прави во интерес на граѓаните што помасовно да го користат велосипедот не само како рекреативно туку икако превозно средства. Градоначалникот Јанков истакна во Струмица има над 16 километри вело патеки а почнала постапката и за поставување паркинг рампи. Се планира да бидат вкупно 160 рампи за паркирање на 50 тина локации во градот.
„Во моментов се гради делница од булеварот Гоце Делчев кон Просенички пат покрај Агроберзата, пота вдолж климент Охридски од кружниот тек кај Жито Струмица кон кружниот тек на излезот кон Радовиш исто така се изгради вело патека. Досегашните инвестиции во делот на инфраструктурата се со средства од ЕУ така и ке продолжиме. Планот е да бидат опфатени и дел од населените места од општината“, кажа градоначалникот Јанков
Тој во интервју за МТВ проговори дека Општина Струмица и годинава издвоила средства за набавка на велосипеди. Како што кажа 70 посто од средства се искористени за набавка на велосипед, електричен велосипед и велосипед за деца бидејки годинава се доделуваат субвенции за три категории. (В.Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
