Ловочуварската служба на друштвото ,,Фазан’’ од Василево при вршење контрола на теренот кој го има под концесија, конкретно во атарот на населеното место Седларци затекнале лице како извршува криволов за време на ловостој. Како што информираа од ЛД Фазан станува збор за нивен член од населеното место Едрениково кое и покрај забраната за лов, вршел лов на дивеч за што случајот бил пријавен во струмичката полиција.
,,Синоќа околу 23 часто при вршење на редовна контрола од страна на ловочуварската служба при ЛД Фазан во атар на село Седларци беше затекнато лице од Едрениково-член на друштвото кое извршувало незаконит лов за време на ловостој со недозволени средства-светла во ноќно време. Од страна на службата настанот е пријавен во СВР Струмица’’ информираа од ЛД Фазан
Инаку ловната сезона за крупен дивеч започнува на 1 октомври додека за ситен на 11 ти октомври. Од ЛД ,,Фазан’’ апелираат до своите членови да не одат на лов се додека не започна сезоната. Исто така најавија дека контролите на терен ќе бидат зачестени и против сите лица што ќе бидат затекнати како вршат криволов ќе бидат превземени потребните мерки и дејствија за да одговарат за кривично дело незаконит лов.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
