Завршија натпреварите во групната фаза од меморијалниот турнир во мал фудбал Благој Истатов со награден фонд од околу 20 илјади евра. Познати се осминафиналните двојки од кои победниците влегуваат во борбите за најдобрите позиции кои ќе добијат паричини награди. Турнирот посветен на Благој Истатов за првпат се реализира со поддршка на Општина Струмица и градоначалникот Костадин Костадинов.
Во првата фаза од турнирот се одржаа вкупно 72 натпревари а беа постигнати дури 260 голови. Екипите на „Кеги Моби’ од Велес, „Алупласт Васил“ , „Сити Кафе“ од Пробиштип и Гостилница „Кај Џек“ остварија максимален учинок во групите и имаат најдобри перформанси во гол разликата. Најефикасна е екипата на Алупласт Васил со 21 гол на три натпревари а најцврста одбрана имаат фудбалерите на Сити Кафе од Пробиштип кои на три меча примија само два гола .
Од денеска почнуваат осминафиналните мечеви . Вечерва на програмата се дуелите меѓу Кеги Моби Велес со Маби Трејд Дентина. Фудблаерите на Сити Кафе Пробиштип играат со Андринико од Скопје а екипата на Еклектик со Дрвош Оранжерии Хамзали. Победникот на турнирот ќе добие награда од речиси 10 илјади евра или 600 илјади денари . Второпласираниот состав ќе освои 300 илјади , третопласираната 100 илјади а поразената во малото финале утешна награда од 50 илјади денари
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
