Новоизградената црква Св. Спас во Ангелци ќе се осветува на 4 и 5 мај информираа од Црковниот одбор. Македонската православна црква Струмичка епархија упати покана до сите верници да бидат на чинот на осветување на храмот кој се градеше изминативе години со средства од верниците но и спонзорства од повеќе фирми и институции.
Црквата Св Спас во Ангелци е со површина од 140 квадратни метри. Почна да се гради пред речиси една деценија. По изградбата на храмот, жителите на Ангелци се организираа и изградија помошни простории а од пред некоја година изградена е и камбанерија на Црквата
Чинот на осветување ќе започне на 4 ти мај во попладневните часови и ќе продолжи на 5 ти со утринска богослужба. Се очекуваат да присустуваат и голем број свештени лица и владици. За време на двата дена жителите на Ангелци во чест на осветувањето ќе поделат и црковна вечера и ручек.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
