Откако викендов беше демонтирана поставената елка во центарот на Радовиш од фирмата која сакала да го добие ,,новогодишното украсување на овој град” за 7 000 евра, деновиве се поставени нови. Меѓу објавените фотографии од манифестацијата ,,Светол град”, општина Радовиш на својата ФБ страна постави и фото од новопоставените Новогодишна елки од центарот на градот
Градоначалникот на Радовиш Ацо Ристов на почетокот на ова недела најави дека ќе биде поставена нова елка со новогодишен декор во центарот на градот и тоа по пат на донации. Инаку изминатиот викенд беше демонтирана елката од центарот на градот откако градоначалникот не се согласил за сумата за новогодишното украсување побарана од фирмата која не ја објави. Тогаш градоначалникот Ристов кажа дека во Радовиш ќе бидат поставени пет елки со соодветен декор за што општината нема да потроши ниту денар а паралелно ќе се реализира и новогодишна програма.
фото Општина Радовиш
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
