Најмладите радовишани направија вистинско освежување по улиците на градот и плоштадот Св. Спасо Радовишки откако ги презентираа своите маски во рамките на традиционалната ,,Априлијада” што ја организираше ЈОУДГ „Ацо Караманов“. Учествува токму дечињата од градинката но и ученици од основните училишта во општина Радовиш кои направија дефиле по булеварот ,,Александар Македонски,, а на плоштадот направија пролетен мозаик со разнобојни цветови, бубамари, пчелички, кловнови, волшебници, дизниеви јунаци и многу други маски.
Во име на Градоначалникот на општина Радовиш, присутните ги поздрави Секретарот на општина Радовиш, Љупче Почивалец изразувајќи благодарност и упатувајќи честитки до сите учесници за нивната креативност како и до нивните ментори, наставници, воспитувачи и негователи. Од страна на организаторот на сите учесници кои беа дел од овогодишната Априлијада им беа доделени признанија.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
