По пауза од две години, струмичани повторно понудија одлични карневалски креации со шаренило од бои и пораки за љубов, радост, насмевки и подобра животна средина. Околу 1 000 маскирани лица од земјава но и од Србија и Грција прошетаа по струмичките улици на големото карневалско дефиле презентирајки ги маските преку музичко сценски настапи и покрај слабиот дожд и студеното време.
,, Мислам дека со право сте еден од најдобрите карневали во Европа. Одлични креации со силни впечатливи настапи. Едноставно неможев да се одлучам кои маски да ги наградам со медал од Евроспката асоцијација на карневалските градови. Ме радува што пандемијата не успеа да ја разниша желбата за карневал во вистинска смисла на зборот,, кажа Ларс Елгел првиот човек на Европската асоцијација
Околу три часа траеше големото карневалско дефиле. Гостите можеа да видат огромни маски во кои се вложиле доста средства но и љубов кон вековната традиција во Струмица. Карневалот продолжува и денес кога најмалите ќе ги презентираат своите креации а следните три дена ќе бидат во знакот на отпочнување на велигденските пости и празникот Тримери
Најдобрите карневалски креации ги оценува жири а годинаа и публиката може да гласа онлајн. Победниците ќе бидат објавени во вторник за кои следува и парични награди
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
