Граѓаните на Општина Василево кои присуствуваа на Форумот на заедницата одлучија грантот што општината ќе го добие од Швајцарската влада, УНДП и Министерството за локална самоуправа во висина од околу 50 илјади долари да бидат наменет за набавка на возило за собирање и транспорт на смет. Овој проект доби најмногу гласови на четвртата сесија бидејки според присутните зголемувањето на капацитетите на ЈПКД „Турија“ е една од основите за подобрување на животната средина во Општината. Освен за овој проект жителите имаа можност да гласат и за ,,Училишни дворови по мерка на сите“, „Сите ја одржуваме животната средина чиста“ кои останаа како препораки да бидат реализирани во наредниот период
,,Како дел од проектот за зајакнување на општинските совети, ова е одлична алатка за успешно вклучување на граѓаните во процесот на дефинирање на проблемите и донесување одлуки со директно влијание на промените. Директното вклучување на граѓаните во донесувањето на одлуки за развој и финансирање проекти е дел од стратегијата за подобрување на транспарентноста на општинската администрација,, напиша градоначалникот на Василево Славе Андонов на ФБ
Според проекциите набавката на ново возило за собирање и транспорт на комуналниот отпад од домакинствата и правните лица ини околу 90 илјади долари . Останатиот дел од парите ќе ги обезбеди Општина Василево.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
