Во пресрет на големиот христијански празник, Фондацијата ,,Елеуса“ од Струмица подготви и дистрибуираше 200 пакети до семејства кои што тешко доаѓаат до пристојна трпеза и секој месец едвај врзуваат крај со крај. Како што не информираше Наташа Василевска Трајчевска станува збор за пакети подготвени со помош на фирми кои донираа прехранбени производи.
,, За разлика од изминатите години, ова година испративме директни барања до фирми и компании и кои за наша голема радост позитивно одговорија и донираа продукти. Испратени се пакети до семејства кои се водат под Струмичката епархија како што се општините Струмица, Василево, Босилово, Ново Село но и до семејства во Пехчево, Берово и Дојран. Радува фактот што граѓаните стануваат се похумани од една страна но за жал од друга страна расте бројот на семејства на кои им е потребна помош,, кажа Наташа Василевска Трајчевска
Фондацијата ,,Елеуса“ за поголемите празници обезбедува прехранбени пакети а секојдневно дели и топол оброк на ранливи категории граѓани но и социјално загрозени семејства.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
