Вечерва во 19 часот во Домот на култура „Бранд Петрушев” во Богданци ќе се одржи концерт со наслов „EJ, ЛАЗАРЕ ЛАЗАРЕ” на кој ќе настапи Фолклорниот ансамбл ,,Мегдан“ кој паралелно ќе ја престави и новата женска носија од етнографскиот предел Бојмија.
,,На концертот ќе се претстави само нашиот прв состав на ансамблот а ќе биде претставена нашата нова женска носија од етнографскиот предел Бојмија (проект поддржан од страна на Министерство за култура), како и нови кореографии. Гости на концертот ќе бидат ансамбл „Бојмија” од Гевгелија кои како што велат „Мегдан” се едни од најдобрите аматерски ансамбли во Македонија. Исто така, публиката ќе има чест да ја види и филмската адаптација ЛАЗАРЕНКИ – реликвија на етничкиот предел Бојмија во продукција на Дом на култура „Македонија”- Гевгелија во соработка со Универзитетскиот Ансамбл „Македонија”,, соопштија од „Мегдан“.
Од овој Фолклорен ансамб најавуват дека во месец демекври ќе реализираат уште 2 детски концерти, каде што ќе се претстават сите членови на ансамблот.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
