Полицијата од Радовиш викендов спроведе контрола на планината Плачковица со цел откривање на лица кои спротивно на законот вршат сеча на огревно дрво. Во саботата во периодот од 3 до 9 часот на месноста викана ,,Илиница’’ затекнати се четири лица, чии моторни возила биле натоварени со бесправно исечени огревни дрва. Станува збор за лицата Ш.А.(35), Н.Б.(34), Е.К.(35) и С.А.(29), сите од Радовиш. Тие неколку часа претходно со помош на моторни пили вршеле бесправна сеча а исечените огревни дрвја најверојатно биле наменети за црниот пазар, каде метр кубен достигнува и до 3000 денари. Полицијата информираше дека сите 4 лица се лишени од слобода и по комплетирањето на случајот ќе бидат поднесени кривични пријави
Првиот човек на Радовиш Герасим Конузулов изминатиов период постојано укажуваше и апелираше до надлежните институции да ги зајакнат контролите на планината Плачковица каде масовно се врши бесправна сеча на огревни дрвја. Тој дури јавно кажа дека лично пријавувал диви дрвосечачи но реакција немало. На иницијатива на грдоначалникот Конзулов неодамна имаше и координативен состанок како да се пристапи кон овој проблем при што сите се заложија да се зајакнат контролите на сите патишта од Плчаковица до Радовиш и населените места
Дека контуинирано се уништува шумскиот фонд алармираа и жителите на викенд населбата Бел камен кои истакнуваа навечер се врши дива сеча а во раните утрински часови истите се товараат во моторни возила и се пренесуваат до Радовиш
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
