Ученици од ООУ „Гоце Делчев“ од Босилово маршираа и апелираа на внимателно возење и однесување на сите учесници во сообраќајот. Тие и покрај дождот со транспаренти во раце но и црвени и црни балони упатија порака за одговорност на патиштата бидејки секој е потенцијална жртва.
Маршот беше во рамките на активностите за одбележување на „Светскиот ден на сеќавање на жртвите од сообраќајни незгоди“ кампања што ја спроведува Републичкиот совет за безбедност во сообраќајот на патиштата (РСБСП). Таа во Босилово се реализираше во соработка со Општина Босилово, Општинскиот совет за безбедност во сообраќајот на патиштата Босилово (ОСБСП Босилово) и Отсекот за превенција при СВР Струмица
Маршот претставуваше силна порака на солидарност, почит и поддршка кон семејствата кои ги загубиле своите најблиски во трагични сообраќајни незгоди.
Покрај маршот, учениците преку цртежи, пораки и пуштање балони во чест на 142-те жртви кои го загубија животот во сообраќајни незгоди во 2024 година, симболично ја испратија пораката дека животот нема цена. Настанот уште еднаш ја истакна важноста од заедничка одговорност, соработка и личен придонес за унапредување на безбедноста во сообраќајот.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
