Учениците со попреченост вклучени во редовниот образвоен процес во општина Струмица ќе имаат лични асистени откако денеска градоначалникот Костадин Костадинов потпиша договори за ангажирање на 16 лица кои ќе помагаат на децата до крајот на учебната година. Станува збор за лица кои се јавија на Јавниот повик од општината а за својот ангажман ќе добиваат месечн надоместок од Буџетот на општина Струмица
,,Тоа се 16 лични асистенти на ученици со попреченост вклучени во редовниот образовен процес и тоа 14 во Струмица и по еден во населените места Муртино и Градско Балдовци. Во пријатна и атмосфера исполнета со конструктивни разговори и идни планови, ги потпишавме договорите за нивно работно ангажирање до крајот на оваа учебна година. Им се заблагодарив што се пријавија на јавниот повик и им посакав успешна работа,, напиша градоначалникот Костадинов на Фејсбук.
Според распишаниот Јавен повик, личните асистенти ќе бидат работно ангажирани од 20 часа неделно за што ќе добиваат паричен надоместок во висина од 9 илјади денари бруто износ со вклучен данок на личен доход и осигурување од повреда на работа.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
