Преставници од општини, од граѓанскиот и бизнис сектор од Југоистокот одлучија кои три проекти да бидат предложени пред Советот на градоначалниците од Југоистокот но и пред Швајцарската агенција за развој и соработка, за финансирање а кои произлегоа од регионалниот форум. Во наредниот период градоначалниците од 10 те општини од Jугоистокот само ќе треба да ја потврдат листата а Центарот за развој на југоисточниот плански регион, да аплицира со трите проекти од кој еден ќе биде финансиран.
Станува збор за проектите ,, Со еден допир поблиску до регионот’’ со кој се планира воспоставување современа технологија, односно поставување информативни табли на допир со сета туристичка понуда во овој дел на државата. Вториот проект е ,,Метео станици за заштита на земјоделските култури и животната средина’’ со кој планира софтверски метео станици кои ќе регистрираатт повеќе параметри а земјоделците ќе имат јасна слика околу можните болести. Третиот проект е насловен ,,Био пелети’’ со кој се планира да се потикне користењето на биомасата односно земјоделскиот отпад за производство на енергија.
Само еден од овие три проекти може да биде финансиран од Швајцарската агенција за развој и сорботка и министерството за локална самоуправа преку проектот „Одржлив и инклузивен рамномерен регионален развој“ за што Швајцарската амбасада ќе додели околу 90 илјади швајцарски франци. Инаку на самиот старт граѓаните од Југоистокот предложија вкупно 9 концепти како основа за изработка на проекти кои се од регионален интерес
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
