Струмичанката Кристина Зимбакова во недела на врвот на Беласица ,,Сечена скала,, висок 1740 мнв ќе ја отвори својата самостојна изложба ,, Ја извишила фортунта’’ на која ќе бидат преставени триесетина уметнички дела изработени од габи и лишаи што ги собирала авторката од планината и светот.
,,Беласица е планина која ми е омилена и ме воодушевува со својата стрмност, непредвидливост, бројните реки и потоци и густата букова шума. Врвот Сечена Скала е можеби најнеобичното место таму, со карактеристичен облик на карпата и величествен поглед кон долините на две соседни земји. Неконвенционални простори за изложување отсекогаш ми биле предизвик. Така и овојпат целта ми е да ги спојам љубовта кон планините и уметноста и да дадам свој мал придонес кон промовирањето на Беласица и нејзините исклучителни природни вредности низ призма на сликарството,, вели авторката Зимбакова
Зимбакова во своето творештво негува интердисциплинарен пристап каде се испреплетени сликарството, поезијата и природните науки а габите и лишаите се најзастапен медиум. Досега имала самостојни изложби во земјава како и во Ирска а учествувала набројни групни изложби во Оксвордскиот театар во Англија и Музејот за уметност ,,Ешкенази’’ во САД
,,Изложбата е насловена „Ја извишила фортуната“, и секој струмичанец добро го знае значењето на тој локален идиом: дека некој го напуштил овој свет. Сепак, мене идејата ми е надградена со позитивна конотација во смисла на слобода, отпуштање на стегите. Затоа, на леталото да му дадеме добар старт од планина од 1.740 мнв за да може полесно да се крене во височините. На настанот е претставен циклус од ликовни дела со истоимен наслов, како и два други во кои низ замислени стакленца во кои се микроскопираат габи се доловуваат емотивни состојби на грч, но кои завршуваат со ослободување. Од друга страна, внимателната примена на габи и лишаи во уметнички контекст се стреми и да го сврти вниманието кон овие прастари, чудесни организми,, вели авторката
Изложбата на врвот Сечена сакла на планината Беласица ќе биде отворена точно напладне и делата таму ќе стојат час и половина. За да се стаса до Сечена скала е потребно возење два часа со теренско возило или пак планинарско печашење од четири часа
,,На изложбата ќе бидат претставени триесет и три нови дела во комбинирана техника на рачно изработена хартија од габи, создадени во последните две години. Габите и лишаите се најтипичен медиум за моето творештво, и тие се искористени за цртање фигури или креирање мозаик. Најголем дел од примероците се лично собрани од мене од планината Беласица, но има и видови од различни краеви на светот што се ретки или ендемични видови. Така, има габи и лишаи од Антарктикот, суптропските предели на Австралија, САД, подножјето на Хималаите и од други места. Мора да се истакне дека сето тоа е во соработка со научници-биолози од кај нас и од повеќе институции во светот, кои ми помагаат и при идентификацијата на видовите,, потенцираше Кристина Зимбакова
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
