Првиот човек на Општина Ново Село Ѓорѓе Божинов му врачи плакета на ултрамаратонецот Николчо Ѓорѓиев кој е родум од Сушица а времено живее и работи во Швајцарија. Станува збор за спортист кој веќе извесен период ја преставува Македонија на големи натпреварувања во дуатлон (трчање и велосипедизам) а во земјава или во Југоистокот е познат по неговите потфати во чест на легендата – голманот Благој Истатов.
,,Денес, на мое огромно задоволство доделив плакета на Николчо Ѓорѓиев од Сушица, за врвни достигнувања во атлетиката и амбасадор на општина Ново Село. Разговаравме за неговите планови во иднина, преку спортот и неговата актовност да се обезбедат средства за донации на лица со посебни потреби. Општина Ново Село и Македонија имаат лица во светот кои ја промовираат нашата нација и култура“, напиша градоначалникот Божинов
Николчо Ѓорѓиев контуинирано ја преставува земјава на дуатлон трките во Швајцарија. На „Frauenfelder“ војничкиот маратон минатиот месец го освои второто место на делницата од 42 километри одржан на 628 метри надморска височина.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
