Струмичките пожарникари, 20 ти мај Денот на пожарникарството во земјава го одбележаа со акција за чистење и средување на трим патеката од Ловниот дом до манастирот Св. Илија. Тие денеска ова го соопштија на својата официјална ФБ страна каде објавија и фотографии од нивното одбележување кое беше на поинаков начин поради изменетите околности предизвикани од пандемијата со вирусот КОВИД-19
,,Беше организирана акција на чистење и средување на трим патеката до манастирот Свети Илија, при што трите мостови беа бојадисани, а патеката исчистена од треви и гранки од околните дрвја. При тоа беше извлечен, подигнат и повторно поставен и четвртиот мост кој беше однесен и делумно оштетен од поплавата во 2010 година.
Оваа акција беше со цел на нашите сограѓани да им се овозможат уште подобри услови за користење на оваа омилено место за спортување и рекреирање.,, стои во објавата на пожарникарите
Од почетокот на годинава до сега ТППЕ Струмица има евидентирано 204 интервенции како во гаснење на пожари на отворено и затворени објекти така и при спасување на лица во несреќи и незгоди
,,Овој ден го одбележуваме како и секогаш, целосно подготвени за брза и навремена интервенција за спасување на животи и имоти од секакви непогоди бидејќи за еден пожарникар-спасител не постои ништо повредно и посвето од тоа.На сите пожарникари-спасители им го честитаме Денот на пожарникарството и им посакуваме успешно извршување на сите задачи и предизвици со кои секојдневно се соочуваат’’ напишаа струмичките пожарникари
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
