Едно лице починало а пет се повредни во две одделни сообраќајки што ги регистрираше СВР Струмица во текто на вчерашното деноноќие. Првата се случила на обиколницата кај Богданци додека втората на патот Струмица Берово кај Петралинци. Во сообраќајката кај Богданци едно лице загинало додека таа на делнциата Дабиље-Петралинци три се потешко а две полесно повредени. Еве што информираа од МВР
На 30.07.2025 во ОВР Гевгелија било пријавено дека околу 16.00 часот на обиколница Богданци, патничко возило „рено клио“ со гевгелиски регистраски ознаки, управувано од Љ.С.(66) од Богданци, излетало од патот. Од здобиените повреди на местото на настанот починал Љ.С., а лекар од Итната медицинска помош Гевгелија констатирал смрт. По насоки на јавен обвинител телото на починатиот било предадено на обдукција. Извршен бил увид од увидна екипа од ОВР Гевгелија.
На 30.07.2025 година во 21.50 часот во Полициската станица Струмица било пријавено дека на регионален пат Струмица-Берово, во правец од с.Дабиле кон с. Петралинци, струмичко, се случила сообраќајна несреќа помеѓу патничко возило „форд “ со струмички регистарски ознаки, управувано од З.А.(32) од село Хамзали, струмичко и патничко возило „цитроен“ со струмички регистарски ознаки, управувано од Б.С.(49) од село Свидовица, струмичко. Во несреќата со тешки телесни повреди со здобиле возачот З.А. и сопатниците од патничкото возило „цитроен“ Ш.А.(75) и Д.А.(72), двајцата од село Петралинци, а со телесни повреди се здобиле возачот Б.С. и петгодишно дете, сопатник од патничкото возило „форд“, констатирани во Медицински центар Струмица. Увид на местото извршила екипа на Полициската станица Струмица.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
