ЈП Комуналец склучи договор за набавка на услуги за подигање смет од градот и населените места во општина Струмица со струмичката фирма ,,Дасмак’’ во висина од околу милион и 200 илјади евра. Договорот важи за 12 месеци, период во кој струмичкото комунално препријатие со своите ресурси, од било кои причини нема да може да да испорача квалитетна и навремена услуга за собирање и транспротирање на отпадот до депонијата ,,Шапкар’’. Како што вели директорот на Комуналец Зоран Ѓоргиев станува збор за фирма која ќе се ангажира по потреба, оти нивниот возен парк бил истрошен и постојано се соочувале со дефекти а почнале со организирано собирање на отпадот од сите населени места во општината.
,, Фирмата ќе работи по потреба што значи дека ќе се ангажира кога од било која причина, ние нема да можеме да вршиме собирање на отпадот и негово транспортирање. Вредноста на склучениот договор е максималната граница, но ќе биде исплатено во зависност колку ќе биде ангажиран економскиот оператор во сите седум реони по денови, што значи дека може да биде исплатено само 30 одсто од вредноста на договорот’’, ни изјави директорот на Комуналец Зоран Ѓоргиев
Во моментов струмичкото комунално прептријатие располага со 8 возила за собирање и транспорт на отпадот до депонијата Шапкар од кои две биле во дефект, па се чуствувала потреба од ангажирање на фирма со возила за таа намена. Спроед Ѓоргиев договорот не значи приватизација на ова услуга ниту пак ќе има зголемување на цената за собирање на отпадот, туку можност за испорачување на поефикасна услуга до сите субјекти.
Изминативе месеци општина Струмица набави околу 8 500 корпи за отпад кои ги распореди на индивидуалните домакинства како во градот така и во населените места. Деновиве ќе биле испорачани уште 2 000 корпи за да може да бидат покриени сите домакинства со садови за поголема јавна чистота во општината.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
