Струмички Астраион во Дојран ја темпира формата за пролетниот дел, амбициите им се борба за влез во Супер лигата (фото)

Ракометарите на струмички ,,Астраион’’ повеќе од половина месец тренираат и се подготвуваат за пролетниот дел од прволигашкиот шампионат, во кој ќе атакуваат за плејофот и ако им се укаже шанса да ,,зграпчат’’ билет за Супер лигата. Почнаа на 20-ти Јануари и по кондиционите тренинзи во Струмица во сала и теретана, сега се наоѓаат на подготовки во СРЦ ,,Истатов’’ во Дојран каде ја темпираат формата пред настапите во ракометниот Куп и редовните кола во Групата 1, кои стартуваат при крајот на овој месец.

,, Работиме според предвидената динамика а на составот ни се приклучи и Столе Стојанов кој игра на десната бековска и крилна позиција. Екипата максимално работи  а до стартот на пролетните КУП мечеви и првенството, планирани се пријателски мечеви со ,,Партизан’’ од Гевгелија, РК ,,Радовиш’’а во преговори сме и за еден меѓународен натпревар со клубот ,,Пирин’’ од Гоце Делчев од Бугарија. После Дојран продолжуваме во Струмица. Амбиците ни се освојување висок пласман во Плеј Офф лигата односно борба за влез во Супер лигата,, информираа од клубот

РК ,,Астраион’’ по есенскиот дел од првенството во Првата ракометна лига Група 1 е на лидерската позиција со вкупно 37 поени. Од 14 одиграни мечеви на своето конто запишаа 12 победи, 1 пораз и 1 нерешен исход. Со оглед на распоредот до крајот на лигата во гости кај Ѓорче и дома со Прилеп би требало да влезат како први во Плеј офот.

Плеј офф лигата ќе биде составена од 8 екипи, четирите најдобри од групите 1 и 2 по што ќе се знае кој може да се надева за пласман во Супер лигата.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.