Струмичките пожарникари ја почнаа својата мисија за пронаоѓање и спасување на лица под урнатините од разорниот земјотрес во Турција. Тие се лоцирани во Адана и според нивната објава на социјалните мрежи, од вчера во попладневите часови и во текот на ноќта работеле на пронаоѓање и спасување на евентуални преживеани луѓе .
Тимот од осум пожарникари и еден преведувач се дел од Републичките сили за заштита и спасување при Дирекцијата за заштита и спасување на Македонија а работат заедно со припадниците на AFAD.
,,Ќе се продолжи со напорите се додека постои и најмала надеж за спасување на барем еден човечки живот,, напишаа струмичките пожарникари кои во Турција ќе бидат во наредните 10 дена
Од вчера за Турција замина и тим од четири пожарникари од ТППЕ Гевгелија.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
