Струмичките одбојкари заминаа за Бургас во Бугарија каде престојниот викенд ќе бидат дел од квалификацискиот турнир од ЦЕВ Лига на шампионите каде за противници ќе ги имаат тимовите на Невтохимик од Бугарија, Капошвар од Унгарија и Будва од Црна Гора. Ќе се игра три дена секој со секого а само двете најдобри екипи од турнирот во Бугарија ќе останат во натпреварите од Лигата на Шампионите додека трето и четвртопласираниот се преселуваат во Купот на ЦЕВ.
Стратегот Кирил Ричлиев е оптимист дека ОК Струмица може да направи подвиг во Бугарија и да се освои второто место имајки во предвид дека Капошвар и Будва по квалитет се идентични а Невтохимик се смета за фаворит. Според него хендикеп е што изминатиов период струмичани немаа посериозни противници за контролки но и засилувањата што дојдоа во таборот како што се канадски среден блокер Ухена Офоха и тунижаните Саад Ом Хени и Бен Талеб
,,Домаќинот Нефтохимик останува главен фаворит за првото место, додека ние заедно со Капошвар и Будва ќе се бориме за таа втора позиција која води во следната рунда од Лигата на шампионите. Момците се подготвени и тоа што многу ме радува се многу мотивирани да го покажат најдоброто од себе. Со таков пристап може да сметаме на борба рамо до рамо и со Капошвар и со Будва“, смета Ричлиев.
На отворањето на квалификацискиот турнир в петок од 20 часот Струмица ќе се сретне со екипата на Нефтохимик, кој е прв фаворит на турнирот. В сабота од 17.30 часот нашиот шампион ќе игра со црногорска Будва, а во последното коло в недела во 17.30 часот се среќава со Капошвар.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
