Актерит кои се вработени во струмичкиот Центар за култура реагираат и бараат од министерката за култура Ирена Стефоска да ја пониши одлуката за избор на директор во ова установа. Според нив, кандидатот Васил Бубев кој е избран за директор на распишаниот конкурс немал допирни точки со културата а паралелно станува збор за професор по физичко. Според нив избраниот директор немал пет години искуство во културни институции ниту пак работено на проекти од културата.
„Еден од критериумите е кандидатите да имат минимум 5 години искуство во културни институции или да имат работено на проекти од областа на културата. Избраниот кандидат Бубев, наставник по физичка култура по своето формално образование и сегашен директор на градинките ‘Детска радост’, не го исполнува овој критериум за разлика од останатите два. Бараме Министерството за култура да ја повлече ова одлука за избор на кандидатот Васил Бубев за директор бидејќи според своите професионални квалификации тој не е соодветен за нашата институција“, кажа актерот Ванчо Василев.
Освен Бубев, на конкурсот се јавиле и Јасмина Пијанманова од струмичкиот Музеј инаку магистер по културен менаџмент и дипломираната актерка од струмичкиот театар Оливера Аризанова. Според министерството за култура, Пијанманова немала сертификат за познавање англиски додека Аризанова немал доказ дека е познат општествено културен работник во јавноста ниту имал доказ за работа во културата. И двете кандидатки кои сметаат не е вистина, реагираа на одлуката на министерството кое тврди дека само Бубев имал комплетни документи.
„Министерката за култура врз основа на предлогот на Комисијата за селекција на кандидати, спроведеното интервју и доставената Програма одлучи и оцени дека третиот кандидат, Васил Бубев, ги исполнува општите и посебните услови од Јавниот оглас да биде назначен за директор. Рок за жалба на одлуката нема, од причина што во Законот за култура постапката за избор е едностепена и завршува токму со Одлука за избор или неизбор“, ни рекоа од Министерството.
Освен актерите барање за поништување на изборот за директор упатија и вработените од музичко сцениот оддел при НУЦК Антон Панов
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
