Струмичка Тиверија Брера е оштетена во дербито со Љуботен откако помошникот судија виде фантомски офсајд и го поништи голот на бразилката Гоја. Линискиот судија Марјан Смилкоски од Прилеп го крена знаменцето иако пред него можеше да виде фудбалерка на Љуботен која беше неколку метри пред Гоја. Сето тоа се случуваше во првото полувреме при резултат 0:0. Струмичанки ја имаа играта и диктираа темпо. По одлична асистенција на Терзиски, Гоја ја затресе мрежата на актуелниот првак но помошникот го крена знаменцето.
Мечот заврши нерешено, 1-1, па сега има вистинска мешаница на врвот од табелата. Тиверија поведе со голот на американката, Џејн Копли, додека актуелниот шампион на Македонија, Љуботен, израмни со голот на Ингрид Видал од пенал.
Љуботен и Тиверија Брера по ова дерби се израмнети на врвот со по 19 освоени бода по седум одиграни кола, а зад нив е Саса со 18 освоени бода.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
