Струмичката болница од средината на октомври ќе почне да се грее на гас. По неколку години најави и ветувања конечно почнаа работите за изградба на котлара и приклучување на овој здравствен комплекс на гасоводната мрежа. Според информациите од директорот на ЈП ,,Струмица Гас’’ Благој Миловановиќ на гасоводната мрежа ќе бидат приклучени стариот и новиот дел од новата болница, зградата на инфективното одделние, управната зграда но и објектот на ЈЗУ Здравствен дом Струмица.
,, Во првата фаза нема да биде опфатена само зградата на Центарот за јавно здравје – сите дурги објекти од овој комплекс ќе бидат приклучени на гасоводната мрежа. Очекувам за месец и половина дека ќе бидат готова котларата со сета опрема и горилници на гас,, кажа Миловановиќ
Струмичката болница која се грееше на нафта се сметаше за еден од поголемите загадувачи на амбиенталниот воздух за што реагираа граѓаните. Градоначалникот Коста Јаневски соопшти дека парите биле обезбедени од Владата во висина од 6,9 милиони денари.
,,По подолг временски период во кој ги испочитувавме сите законски обврски. ја отпочнавме изградбата на новата котлара која ќе биде адаптабилна за греење на овој комплекс на гас. Болницата беше посочувана како еден од загадувачите и верувам дека со гасификација на овие објекти овде, ќе се подобри амбиентланиот воздух во нашиот град ,, кажа Јаневски
Струмица десетина години е гасифицирана со гас кој во компресирана форма се увезува од Бугарија. Досега се изградени околу 41 километар секундарна дистрибутивна мрежа на која се приклучени околу 330 домакинства, сите локални јавни институции но не и најголемиот дел државни кои и следната грејна сезона ќе се греат на нафта.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
