26 годишната Верица Китанова од Струмица е избрана на трета придужничка на мисицата што ќе ја преставува Македонија на Мис Универзум во Мексико идниот месец. Синоќа во националната опера и балет во Скопје се одржа Мис на Македонија на кој се натпреваруваа 19 финалистки од земјава кои имаат наполнето 18 години а жирито одлучи освен Мис да прогласи прва, втора, трета и четврта придружничка.
Теа Ѓеоргиевска од Куманово победи на овој избор и ќе ја преставува Македонија на глобалното дефиле кое ќе се одржи на 16 ноември во Мексико Сити, Мексико. Организатор на настанот беше Шакир Села, од Даман менаџмент од Истанбул, Турција, која ја поседува лиценцата за Македонија, и го организира турскиот избор за Мис Универзум.
На изборот во Скопје, прва придружничка на Теа од Куманово е избрана Ева Величковска од Скопје, втора Тијана Петреска од Скопје, трета Верица Китанова од Струмица, а четврта Јулијана Ѓорѓиевска од Крива Паланка . На изборот од Југоистокот учествуваа и Ана Брзанова и Кристина Делева од Гевгелија ( В.Трајков фото Ѓ.Личовски, Б.Грданоски )
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
