Освен Горан Пандев кој постигна гол и ја однесе македонската фудбалска репрезентација на ЕП, вчера се истакнаа уште двајца струмичани во дресот на Македонија но за помладите генерации. Поранешниот фудбалер на Академија Пандев а сега член на хрватски Хајдук -Јани Атанасов постигна ефектен гол од слободен удар за селекцијата до 21 година на гостувањето кај Израел со што се на добар пат да ја задржат втората позиција во групата.
Гол постигна и Спасе Терзиев член на младинските погони на Академија Пандев и тоа за фудбалската селекција на Македонија до 19 години. Во пријателскиот натпревар со селекцијата на Црна Гора, Терзиев се снајде одлично по изведен корнер и го матираше голманот на црногорците кои имаа водство . Спасе Терзиев има 18 години е капитен на младинците на Академија Пандев
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
