Членовите на Стрелачкиот клуб ,,Струмица“ беа меѓу најдобрите на Гран при турнирот во стрелање што се одржа на стрелиштето Мегдан над градот во непосредна близина на Цареви Кули. Во дициплината снајперска малокариберска пушка 100 метри едниот тиме се закити со бронза додека вториот струмички тим го освои четвртото место. Освен во снајперска малокариберска пушка присутните се натпреваруваа и во пиштол 25 метри.
На турнирот учествуваа околу 80 натпреварувачи од цела држава при што падна и државен рекорд во дисциплината пиштол на 25 метри. Томе Несторовски од Скопје имаше 98 кругови односно поени од можни 100. Втор во оваа конкуренција беше Мартин Гелевски со 91 и Сашо Дамовски со 88 поени трет. Екипно стрелачите од Скопје беа први
Во дисциплината снајперска малокариберска пушка на 100 метри Јордан Тасевски беше најдобар во поединечна конкуренција. Втор беше Драган Јовановски а Никола Петковски трет. Во екипна конкуренција прв беше тимот „Лонг Реинџ“, втори беа членовите на тимот ,,Стрелец“ додека третото место го освоија струмичани
Станува збор за тимот на СК,,Струмица“ во состав Славчо Тимов, Ѓорги Костуранов, Душан Костуранов, Костадин Динев. Четврти беше тим број 1 на СК ,,Струмица“ во состав Слободан Милчов, Игорчо Коцев, Денис Танчев и Васе Русуманов.
Покровител на целиот турнир беше ,,Универзал Градба“ Струмица и Стрелачката федерација на Македонија (В.Т)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
