ВМРО ДПМНЕ ги објави кандидатите за членови на Советот на Општина Струмица. Вечерва ја доставија листа во ОИК Струмица . Неа ќе ја предводи д-р Никола Маџунков, кој е во сегашниот состав на Советот на општина Струмица и координатор на советничката група на ВМРО-ДПМНЕ. Тој објави дека струмичани заслужуваат нова енергија, нова визија и вистински луѓе кои ќе стојат цврсто зад зборот и делото.
„Граѓаните заслужуваат нова енергија, нова визија и вистински луѓе кои ќе стојат цврсто зад зборот и делото. Време е за вистински промени! Време е за Струмица да добие чесно, одговорно и посветено водство. Со поддршка од вас и со силата на нашето единство, сигурен сум дека ќе изградиме подобра и посветла иднина за сите“ – објави носителот на советничката листа на ВМРО-ДПМНЕ, Никола Маџунков
Втора на листата е Евица Трајанова, претседателка на Унијата на жени, трет е Владимир Ристов, актуелен советник и секретар на ОК на ВМРО-ДПМНЕ Струмица четврта Пале Галева- дипломиран правник, петти Кире Синдраковски- дипломиран машински инжинер, шестта е д-р Анкица Ангова- очен лекар и поранешна директорка на струмичката болница, седми е Кемал Сулејманов, додека Мила Велкова од Куклиш, професорка по биологија е осма на листата , деветти д-р Методија Иванов – кардиолог во ЈЗУ „Општа Болница“ Струмица а десетти е Јован Симевски – раководител на Одделението за катастар и недвижности во Струмица.
Следуваат: Кристина Ментинова Манчева, Панчe Стојков, Петре Танчев, Никола Андонов, Елена Пандева, Методија Пасков, Ели Велева, Ѓорѓи Христов, Милица Миова, Трајче Трајков, Софче Јанева, Христијан Ефтимов и Меланија Ристова.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
