Одбојкарите на Струмица Никоб, мечот со хрватскиот тим на Мурса од Осијек во рамките на Купот на ЦЕВ ќе го играат во салата Парк во Струмица. Дуелот мегу македонскиот шампион и хрватскиот преставник ќе се одигра на 11 октомври од 19 часот. Реваншот во Хрватска останува непроменет – 19 октомври.
Мечот во Струмица ќе се игра откако СРЦ Јане Сандански е зафатен во наведениот период, па ОК Струмица Никоб доби дозвола од Европската куќа на одбојката натпреварот да се игра во салата Парк. Судии на средбата ќе бидат Турчинот Илхан Бурхан и Бугаринот Илиан Георгиев.
Станува збор за меч од квалификациите за пласман во 16 финалето од Купот на ЦЕВ откако струмичани несреќно загубија во златниот сет во двомечот со холандскиот шампион Динамо Апелдорн.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
