Во рамките на 11 тото првенствено коло од Втората лига Исток, кошаркарите на Струмица забележаа победа против Борец од Велес со 81:57 и му се реваншираа за есенскиот пораз. Во спортската сала при СОУ ,, Никола Карев’’ струмичани имаа апсолутна доминација. Мечот го започнаа борбено и победата ја најавија уште во првата чествртина која ја добија со 27:18.
Во продоллжението од натпреварот Борец не дозволи поголема предност на домаќините. На полувреме беше 42:32, но во третиот период Струмица го покажа вистинското лице и го ,,демолираа“ Борец кој за 10 минути уфрли само 10 поени а тие дури 27 што беше клучно за убедливата победа оти последниот период го доби Борец откако кај Струмица добија шанса да заиграт и кошаркарите од вториот стостав.
Најефикасен кај Струмица беше Димитриев со 22 поени, Михајловски постигна 14, Динев 11, Ѓеоргиев 10 , Макенаџиев и Абрашев по 8 поени а во листата на стрелци се запишаа и Николов со 3, Ахтаров и Вучков по еден поен. Со ова победа КК Струмица останува на втората позиција во Втората лига Исток.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
