Одбојкарките на Струмица Жени забележаа победа од 3:2 во сетови во првото пролетно коло и тоа на жешкиот терен на Наковски Волеј во спортската сала во СОУ Димитар Влахов во Струмица. Според информациите одличен меч во кој избраничките на Вера Божијанова Димитриева и Атанас Милев покажаа сконцентрираност и мудрост во клучните моменти кои на крај им донесоа победа и зголемување на шансите за плеј офф разигрувањето.
Струмица Жени го доби првиот сет со 27:25 а Наковски возврати со 25:18. Третиот сет им припадна дебитантките во прволигашкото натпреварување идентично како и во првиот со 27:25. Наковски не дозволи чиста победа за гостинките и намалија на 2:2 во сетови откако 4 сет го добија со 25:16. Сепак младите струмичанки не се задоволија. Притиснаа во одлучувачкиот петти сет кој го добија со 15:10 за победа во своја корист.
Ова е прва победа на Струмица Жени против Наковски кој по искуството се сметаше за фаворит, бидејки во есенскиот дел славеа убедливо со 3:0 против најмладиот прволигаш.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
