Струмица добива адреналинска патека (Pum track) кај АТШ Берово во непосредна близина на СРЦ ,,Пандев“. Истата сеуште се работи и подготвува за ставање во функција, но младите струмичани веќе ја ,,окупираа“ возејки велосипеди. Станува збор за патека која изобилува со нагорнини и надолници и рампи за скокање околу кои можат да струмичани да возат велосипеди, скејт борди, ролери, тротинети генерирајки импулс од движење користејки го притисокот врз превозното средство.
Како што спомна градоначалникот на Струмица Костадин Костадинов неодамна станува збор за патека во рамките на проект од Програмата за прекугранична соработка со Серес од соседна Грција. Според градоначалникот околу него ќе има и зелена површина од околу 4000 квадратни метри.
На влезот на „памп-трак“ полигонот има и правила како треба да се користи . Се очекува во наредниот период да биде предаден и официјално во употреба ова патека
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
