Општина Струмица ги врачи годишните награди Св.15 Тивериополски Свештеномаченици на истакнати физички и правни лица кои со своето дејствување дадоа придонес во афирмацијата на општината во земјава и меѓународен план. Ова признание го добија Љупка Вртева која во Словенија беше прогласена за инженер на годината, Томе Ментинов кој својот работен век го посвети на културните случувања во Струмица.
Награда како диплома, плакета и бронзен медал доби и ресторан Бонита кој дава промоција на Струмица преку угостителството, пијанистката Ивана Мазнејкова која е вистински репрезент на Струмица во класичната музика, Тимо Комаров за долгогодишен крводарител, Иван Кукиќ за неговите музички достигнувања и промоција на Струмица на меѓународен план и Атанас Козарев во областа на образованието
Наградата за животно дело Св. 15 Тивериополси Свештеномаченици постхумно беше доделена на Гоце Арнаудов.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
