Струмица во кругот на АРМ кај големиот градски парк доби фитнес зона која може да ја користат струмичани за рекреација, загревање и физичка кондиција. Станува збор за проектот на Агенцијата за млади и спорт за поставување на 15 фитнес зони во државата за подобрување на квалитетот на животот на граѓаните.
Фитнес зоната во Струмица ја направи фирмата Урбано пласт од Скопје и таа беше во пакет со фитнес зоната во Валандово чинат околу 6 милиони денари. Поставени се 8 комбинирани справи за истегнување и влечење, буткање и зајакнување на долни и горни екстремитети, стомачни и грбни мускули, body bуilding справа, за велосипедизам и степер, и справа за лица со хендикеп.
Директорот на АМС Наумче Мојсовски кажа дека пет фитнес зони веќе се завршени и тие ќе бидат во интерес на граѓаните додека градоначалникот на Струмица Костадин Костадинов ги повика струмичани да ја чуваат урбаната опрема и ова фитнес зона може да ја користат и стари и млади.
,,Струмица не би била Струмица без да „никнат“ нови содржини. Една таква „осамна“ и денес во непосредна близина на струмичкиот градски парк. Станува збор за нова „Фитнес зона“ наменета за љубителите на спортот, рекреацијата и фитнес вежбањето, како плод на одличната соработка меѓу Општина Струмица и Агенцијата за млади и спорт,, објави градоначалникот Костадинов.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
