Струмичкиот одбојкарски интернационалец Стојан Илиев е проглсен за МВП играч откако со хрватски Мурса го освои Купот. Во финалето од националниот КУП на Хрватска, ОК Мурса се сретна со тимот на ОК Рибола Каштела во кое славеа победа со резултат од 3:1 во сетови (17:25, 25:23, 25:20, 25:22). Со ова, по 10 години пауза Мурса од Осијек повторно ја освојува ова титула за која значаен придонес имаше токму засилувањето од Струмица Стојан Илиев
Стојан Илиев според информациите биле еден од клучните одбојкари за победата на тимот на стратегот на ОК Мурса – Марио Терпет. Инако одобјкарскиот состав од Осијек ова сезона нема претрпено пораз и се на добар пат, по КУП титулата да ја освојат и Шампионската. Според хрватските медиуми, Илиев се истакнал во клучните моменти против Рибола Каштела која мечот го почнал офанзивно и го добил првиот сет но се покажал и како тврд орев во продолжението од финалето. Илиев го постигнал победоносниот поен во четвртиот сет за славјето на тимот од Осијек.
Илиев во Мурса замина на почетокот на ова година. Тој претходно настапуваше за Вардар каде беше еден од најефикасните играчи откако покажа одлични партии во својот матичен клуб ОК Џио Струмица. Стојан Илиев е член и на македонската одбојкарска репрезентација
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
