Во општина Ново Село ниту кандидатот на ВМРО ДПМНЕ Николче Стоилков ниту кандидатот на СДСМ Никола Андонов не успеаја да го надминат прагот од 50% освоени гласови од граѓаните кои излегоа и гласаа на првиот изборен круг. Станува збор за околу стотина неважечки ливчиња, кои пресудија двајцата кандидати да мора да се соочат уште еднаш за две недели во ова општина
По првиот круг, според информациите на партиските штабови на двата кандидата а потврда стаса и од ДИК, Николче Стоилков има околу 60 гласови повеќе од кандидатот на СДСМ, Никола Андонов. Но таа предност не беше доволна Стоилков да го освои градоначалничкиот мандат до 2021 година па двајцата кандидати на 5 мај повторно ќе се соочат пред граѓаните во ова општина
Инаку во Ново Село право на глас имаа 11 302 граѓани а неофицијално на гласање излегле околу 49 одсто од запишаните избирачи на 20 те избирачки места
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
