Младинскиот центар во Струмица беше претесен за да ги собере сите лубители на пишаниот збор, каде поетесата и новинарка Сузана Мицева ја промовираше својата нова стихозбирка насловена како ,,Одлгас на нечуеното“. Со звукот на тапанот на Димитар Филев, со рециталите на младата актерка Васка Ангелова присутните ги доживеа стиховите на Сузана Мицева за кои професорката Ана Витанова Рингачева кажа дека се како земање земање здив, цитирајки го Старделов дека поезијата се вдишува.
,,Имам чувство дека читајки ја нашата Сузе ние вдишуваме поезија, земаме здив, бидејки како што вели Ѓорги Старделов ако секое читање е вдишување или земање здив, тогаш што би правеле без поезијата, што би правеле без тој здив кој толку многу ни е потребен. ,,Одглас“ е нова стихозибирка на Сузе – наслов кој што само навидум е предвидлив, но тој е многу длабок и интимен оти ние луѓето постојано живееме со одгласите што ги дава срцето,, кажа професорката Витанова Рингачева
„Одглас на нечуеното“ е петта збирка песни за возрасни на Сузана Мицева која излезе со поддршка на Министерството за култура и туризам. Стихозбирката можеше и да се купи а собраните средства беа наменети за хуманитарните активности на Фондацијата Елеуса. (В.Т/фото: ФБ Струмичко)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
