Како младите да препознаат непрофесионални информации што се пласираат во јавноста, зошто треба да реагираат, кои се можните последици од сензационалистички или вести со бомбастични наслови, што им пречи кај информативните сајтови, беа само дел од прашањата кои беа опфатени на едукативната работилница во СОУ ,, Гоце Делчев’’ од Валандово на тема медиумска писменост.
На работилницата на која учествуваа околу 100 тина средношколци, преку практични примери се дискутираше како да бидат детектирани лажните од вистинските вести, на кои сегменти да внимаваат младите при читање и отворање на било која вест кај онлајн медиумите, како може да реагираат за да се стопира ширењето на лажната вест и кои се алатките за критички настап за одредена веста.
Обуката на валандовските средношколци, беше дел од проектот ,,Јутјуберска платформа за медиумска реформа ‘’ кој е финансиран од вториот циклус на мали грантови ,,Критинк’’ финансиран од ЕУ а го спроведува фонацијата ,,Метаморфозис’’ со Центарот за европски стратегии ,,Еуротинк’’.
,,Продолжуваме да реализираме обуки низ средните училишта во Југоистокот меѓу средношколците и преку анкети да селектираме млади кои ќе сакаат да изработуваат јутјуб видеа за медиумска писменост со пораки за распознавање на лажни од вистински и професионални од непроверени вести,, вели Стојне Митева од здружението ,,Скај Плус’’ кое проектот го реализира со регионалната ТВ Канал ВИС
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
