Здружението,, ChangeМakers4all,, од Гевгелија заедно со лица кои ја поминале голготата за лекување од канцер и нивни најблиски и пријатели, маршираа по булеварот во Гевгелија и побараа поголема поддршка на болните од рак. Со црвени панделки, тие упатија порака до сите граѓани дека секој може да биде пациент со канцер и дека треба да се обединат во борбата на ова ,,опака’’ болест
Марина Томова од здружението ,,ChangeMakers4all’’ од министерот за здравство Венко Филипче побара да се размисли како да им се помогне на семејствата во чии редови има пациенти со канцер и се изложени на дополнителни трошоци за транспорт и престој во Скопје каде во моментов се лекуваат сите заболени
,, Бараме внимание, бараме финансиска поддршка на семејствата за транспротирање на своите најблиски кои страдаат од оваа болест до клиниките во Скопје за редовната хемотерапија. Министерот Филипче нека ја разгледа можноста да се отвори одделение за онкологија со обучени лица за хемотерапија овде во Гевгелија за пациентите од овој град но и од Богданци, Дојран и Валандово. Институциите нека направат истражување и да се откријат причинители за високиот процент на заболени од рак во Гевгелија оти податоците се загрижувачки’’, изјави Томова
Моника Петрова пациентка од Гевгелија вели дека многу тешко е за пациентите од внатрешноста во државата да одат на терапии во Скопје со што се изложуваат на дополнителни трошоци
,, Потешка е ситуацијата со болните од рак во помалите градови, затоа што патот до Скопје е многу тежок. Не може еден болен да станува во четири часот наутро и со воз да патува до Скопје и да се враќа доцна навечер пак со истиот воз. Тоа е незамисливо. Затоа тоа е нашиот најголем проблем,, кажа Петрова
Една од целите на ,, Маршот во молк’’ е и формирање на здружение кои ќе се бори за правата на болните од рак од гевгелиско и поширокиот регион
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
