Општина Конче почна да го регулира и уредува коритото на Дединска река, која минува низ населеното место Дедино како дел од проектот ,,Примена на мерки за заштита од поплави’’ што општина Конче го реализира со општина Струмјани од соседна Бугарија. Станува збор за проект од програмата за прекугранична соработка за што ЕУ за ова капитална инвестиција додели 146 илјади евра . Инаку со овој проект се очекува да се подигне свеста за климатските промени кај жителите од прекуграничните Конче и Струмјани но и да се заштитат жителите на овие две општин од штети при поројни води.
Според најавите на градоначалникот на Конче – Благој Илиев ќе бидат регулирани околу 360 метри од реката која поминува низ селото за да се спречи излевањето на водите при поројни дождови а со тоа и последиците и штетите што ги предизвикува. Согласно проектот Дединска река ќе добие кејски ѕидови со камен, ќе се изгради касакаден праг а ќе има и цевкасти пропусти со армирана бетонска подлога за премини и поврзување на жителите.
,,Поројните води веќе нема да преставуваат опасност за жителите и нивите имоти во Дедино. Ова е капитална активност што ја спроведуваме со општина Струмјани. Во наредниот период ќе се спроведат и активности со цел запознавање на граѓаните со ова проблематика за спречување ризици од природни непогоди’’,, кажа Илиев
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
