Промени се ! Ова е пораката што ја упатија гевгеличани кои го чистеа излетничко рекреативното место Сифулајка во организација на здружениеот ,,Changemakers4all” од Гевгелија. Околу 20 тина велосипедисти и граѓани се упатија на ова место и го собираа отпадот оставен од несовесни посетители кои даваше грда слика на Сифулајка. Како што не информираше Марина Томова претседател на здружението, радува фактот што свеста кај граѓаните се менува и што нови лица се приклучија на еко акциите што ги организираат.
,, Собравме над 20 тина вреќи разновиден отпад. Претежно пластика но имаше и расфрлен текстил, покуќнина па дури и телевизор. Ги исчистивме сите приоди кон Сифулајка и околните патеки. Момците со велосипеди беа доста активни и не радува што расте бројот на гевгеличани кои сакат да дадат свој придонес за чиста и здрава животна средина,, ни изјави Марина Томова
Акцијата за чистење на излетничко рекреативното место Сифулајка ја подржа и општина Гевгелија а тамошното комунално претпријатие денеска ќе постави и контејнер за складирање на отпадот од страна на посетителите
,, И Комуналец беше вклучен во акцијата за што благодарност за помошта и поддршката. Само со меѓусебна помош може да се променат работите кон подобро односно да има соработка меѓу граѓаните и институциите,, потенцираше Томова
Инаку здружението ,,Changemakers4all” од Гевгелија досега има реализирано околу 10 тина еко акции за чистење на локалитети и места кои се од интерес на гевгеличани
Фото Гоце Тасевски
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
